Киноа

Зошто треба да јадете киноа?

Киноата има повеќе протеини од кое било друго семе или житаррица, што значи дека ги содржи сите основни аминокиселини. Таа е прекрасен извор на калциум, лизин, витамин Б и железо. Покрај тоа, киноата е лесна за варење и не содржи глутен.

Постојат неколку видови на киноа

Во продавниците најчесто ќе најдете жолта или бела, иако ја има во многу повеќе бои: розова, црвена, црна, виолетова, портокалова. Чувајте ја во садови со капак во фрижидерот за да може да трае со месеци.

Како готвите киноа?

Можеби изгледа комплицирано, но киноата прилично едноставно се готви. Првиот чекор што треба да го направите е да ги исплакнете зрната, бидејќи се прскаат со природна супстанција против пестициди. За чаша киноа, потребни ви се 2 чаши вода. Можете исто така да експериментирате со пилешка супа или супа од зеленчук наместо обична вода за повеќе вкус. Кога ќе достигне точката на вриење, намалете ја топлината и оставете да се вари 10-15 минути додека целата вода испари. Варената киноа има мека текстура и вкус на јаткасти плодови. Можете да ја додадете во салати, пудинзи, супи, сосови, вегетаријански плескавици и на уште многу други начини. Можете да подготвите и појадок базиран на киноа со кравјо млеко, млеко од соја или бадеми, заедно со вашето омилено овошје, посипувајќи неколку ореви на крајот.

Дали својствата на семето киноа ве направија да станете љубопитни? Инспирирајте се и пробајте сами, уживајќи во меката текстура, убавиот вкус и нејзините придобивки за вашето тело!