Тиквички

Печени тиквички со пармезан

Во сад измешајте рендан пармезан, сол, бибер, оригано, босилек. Исечете ги тиквичките на парчиња со должина на прст, ставете ги во тава, истурете малку масло и посипете со пармезан и зачини. Ставете ги 15 минути во рерна.

Полнети тиквички​​​​​​​

Потребни ви се: тиквички, 1 или повеќе; чедар кашкавал; трошки од леб; босилек; лук;
сол и бибер.
Измешајте ги сите состојки, направете ја смесата и ставете ги во тава која ќе ја покриете со фолија за печење. Ставете ги во рерна 15-20 минути, додека рабовите не им станат златни.

Лазања од тиквички

Првиот чекор е да подготвите бешамел сос и месо за класична лазања. Потоа, заменете ги листовите од тестенини со тиквички исечени на тенки ленти. Наредете сè во тавата точно како во класичниот рецепт за лазањи и ставете ги во рерната 30 минути покриени со фолија и уште 5 минути откако ќе ја тргнете фолијата.

Чипс од тиквички

Добро познато јадење во Грција, кое е лесно да се подготви и е со многу помалку калории отколку вообичаените чипсови од компири. Сè што треба да направите е да исечете тенки кругчиња од тиквичката. Во сад измешајте пченично брашно со сол, бибер и оригано и извалкајте ги сите парчиња тиквички. Ставете ги тенките парчиња тиквички во сад со масло, исто како помфрит. Ако сакате да се ослободите од вишокот на масло, ставете две хартиени салфетки на дното на чинијата во која ќе го ставите подготвениот чипс.

Едноставни, хранливи и разновидни!

Ова се само неколку идеи за тоа како да подготвите тиквички, но дефинитивно можете да најдете уште многу други вкусни рецепти.

Кој рецепт ќе го пробате прв?